Nazioarteko poetak: Nguyen Chi Trung eta Elisabetta Bagli

Nguyen Chi Trung

Hego Vietnamen jaio zen 1948an eta Saigonen hazi. 1967ko amaieran beka nazional bat jaso zuen Alemanian ikasteko. Filosofia ikasi zuen, baina matematika eta mekanika aplikatuan doktoratu zen. Stuttgarten bizi da eta ingeniari gisa lan egin zuen 1996ra arte. Ia sei hamarkadatan, 1963tik, alemanez eta vietnameraz idatzi ditu poemak, gutunak eta saiakerak. Halaber, munduko poesia Vietnamera itzuli zuen: Hölderlin, Rimbaud, Leopardi, Dickinson, Porchia eta abar. Hainbat herrialdetako nazioarteko poesia jaialdi garrantzitsuetan parte hartu du. 2013an, Saigonek Chi Trung omendu zuen, bere poemak zazpi liburukitan argitaratuz. Alemanez, italieraz eta portugesez argitaratu du.

Elisabetta Bagli

Elisabetta Bagli Erroman jaio zen, eta 2002tik bizi da Madrilen. Ekonomia eta Enpresa Zientzietan lizentziatua, itzultzailea, idazlea, poeta, saiakeragilea, artikulugilea, prologuista, irratiko korrespontsala, Espainiako, Italiako eta nazioarteko hainbat kultur elkartetako ordezkaria eta ekitaldien antolatzailea da. Bere lana hogei hizkuntzatara itzuli eta argitaratu da. Poesia liburu batzuen, kontakizun bilduma baten, haurrentzako liburu baten eta mundu osoko egunkari eta aldizkari digitaletarako artikulu eta saiakeren egilea da. Bere lanak honako sari hauek jaso ditu, besteak beste: ohorezko Diploma, 2017an Pro Arte y Cultura taldearen Mayte Spínola meritu artistikoagatik; 2019ko kulturan nabarmendutako Emakume Distindazioa, Mar del Platako (Argentina) Latinoamerikako Emakumezkoen Foroak emana; Italiartasunaren Saria, 2019ko Kulturagatik, Stefano Sannino Enbaxadore italiarrak Espainian emana; eta Naji Naaman saria, 2020ko uztailan.